DONGENG SASATOAN

DONGENG  SASATOAN

WAWALES KANU TELENGES

Pedar Carita                       : 

Kocapken di hiji leuweung aya hiji kulawarga mencek, eta mencek teh boga anak dua, lamun cara jalma mah eta kulawarga mancek teh kahirupanan sejahtera pisan, hirup na sauyunan, sapait samamanis sabagja sapihanean .

Dina hiji poe mencek ngumpulkeun dua anakna.Pok mencek teh nyarita ka anakna anu dua “ ujang anak ema anu gede anu leutik kadieu, Ema rek aya picaritaeun ! “

“ Kieu ujang, ema rek  peupeujeuh ka hidep duaan, ujang teh anak ema ngan dua – dua na . Ujang teh geus teu boga bapa lantaran bapa hidep maot di kerekeb ku sakadang maung, tah ku kituna ema  teu hayang anak ema di hakan maung ! “

“ Ujang  lamun rek arulin kudu ati – ati ulah jauh teuing jeung aping adi hidep si bungsu .“

“ Mangga ema, ku ujang saran ema bade di estukeun pisan !  Jawab anak mencek mani bareng pisan.

Kocapkeun eta dua anak mencek teh arulin di sisi leuweung, bari ngakanan jujukutan .

“ Kaka ! kaka ! urang ka ditu yu ulinna ! “ anak mencek nunjuk kanu jauh .

“ Ulah Adi, tadi oge ceuk ema ulin na ulah jauh teuing, bisi di hakan ku sakadang maung ! “

“ Wah, moal kaka , pang maungna oge cenah keur  unjuk rasa ka kota bejana mah rek ngalaporkeun jalma nu sok nuaran  kai leuweung  ! “

“  Ah si Adi mah sok heureuy ! .... tong heureuy adi, make ngalantur sagala ! “

Sabot eta dua anak mencek keur ngalobrol , teu ka nyahoan ti beulah kulon aya sora, gobras ..... gobras..... ari gaur teh sora maung mani tarik pisan . “  Auuuuuuuuuuug .....

Eta mencek teh narik leungeun adina, tapi eleh gesit ku sakadang maung, ngan sakilat adina di kerekeb, ngan di sesaken huluna.

Maung sanggeus ngarasa seubeuh ngagajleng luncat. Mencek bari ceurik kanyenyerian bari  ngagugulung hulu adina.

Keur kitu jol indungna datang bari hah heh hoh , mun jalma mah cape, “ Aya naon ujang, make ceurik sagala.

“ Ema, ieu si Adi “ . Anak mencek ngasongken hulu adina “

“ Gustiiiii ...... ieu anak aing. Ujang kasep geuning kieu – kieu teuing nasib teh ! “

Anak jeung indung  paungku – ungku ngumbar kasedih . Teu lila indungna nangtung bari pok nyarita ka anakna . “ Ieu pasti pagawean sakadang  maung , keun ujang ,ema rek menta tulung kasakadang monyet . Cenah mah sakadang monyet pinter silatna .

Teu di engke keun dei ,  sakadang mencek nepungan sakadang monyet, maksudna rek minta tulung .

Teu kacatur di jalana sakadang mencek  geus nepi  ka  tempat  sakadang monyet.

“  Sampurasun ..........!

“  Rampes ............ !  Ceuk sakadang monyet

“  Har, geuning aya sakadang mencek, kumaha damang 

“  Alhamdulilah, sehat ! “ Walon mencek rada dumareuda.

Pok sakadang monyet nyarita, “ ku naon sakadang mencek andika teh jiga anu sedih “

“ Kieu ieu teh ceuk sakadang mencek bari nyaritakeun pangalaman manehna  anu keuna musibah.

Dina hiji poe sakadang monyet ngumpulkeun balad – baladna , sakadang monyet ngayakeun rapat  kilat, kumaha cara jeung katangtuanana  ngalumpuhkeun ka kuatan sakadang  maung.

“ He dulur – dulur anu sami kumpul, wayahna andika rek di peredih, kuring menta tulung keur ngalawan maung, kumaha sanggup atawa henteu “

 Sakadang gagak, sakadang sireum, jeung sakadang oray ngajawab mani bareng sangguuuppppp ......

Sangguuuup......sangguuuuuppp .......

Sakadang monyet mere bong bolongan cara ngalumpuhkeun maung, nyaeta waktu monyet  tarung jeung maung,  gagak  kudu macokan hulu maung,  ari sireum kudu ngegelan  suku maung, ari oray kudu ngabeulit awak maung.

Dina hiji waktu anu geus di tangtukeun, sakadang monyet ngahaja nepungan ka sakadang maung . Sakadang monyet nangtung bari nulak cangkeng, tuluy monyet ngagorowok .

“  Hey ....maung lamun anjeun bener – bener gagah, hayu urang  ijen jeung kuring ! “

Maung keur depa ngadenge panantang  sakadang monyet reuwasueun tur langsung ngagaur , “  Auuuuuungg ..........,  wah geuning aya monyet mani  wanian  pisan ka kula, na rek kuat ngalawan ka kula “

Teu antaparah dei  sebruttttt ...... sakadang maung nonjok keun  peureupna  mani  bangbaraan .  Monyet  teu cicingeun , barang  peureup rek  nepi , atuh lep bae sakadang monyet ngelok ngagunakeun  gerakan kuya ngelok . 

Keur   kaayaan kitu  gagak macokan maung, sireum  ngegelan suku maung ,ari oray meulit kana awak maung. Teu kungsi lila sakadang maung  teu walakaya, nepi ka serah  bongkokan .

Sakadang maung jangji moal deui –deui  ngaganggu ka papada sato di eta leuweung. Sakadang mencek bungaheun pisan, lantaran  maung geus insap.

Tisaprak eta kajadian, kahirupan di eta leuweung jadi  aman .